اليوم كنت طالع مشوار مع صديق , أثناء ما كنا في السيارة ,

فجأة  صديقي فتح نافذة السيارة وأخرج رأسه وصرخ صرخة مُـدوية ! …

 

طبعا أستغربت من فعله ذات الوقت ضحكت  ؟؟ ..

 

قلت له عبدالله إنشالله ماتكون فقدت جزء من عقلك  ؟؟

 

 

قالي محمد , أدري الحين تقول عني  مجنون  .. 

 

بس صدقني مازلت أحتفظ بعقلي , كل مافي الموضوع أنا بعز شبابي , نهاية المطاف راح أكبر ,

مابي إذا أدركني العمر أتحسف إني ماسويت شي بشبابي ,

 

إستوقفتني منطقية الأجابة , ولو أجرينا بعض ترميم  نلاحظ أنه يقول ..

 

أنا بعز شبابي يفترض أكون بأوج طاقتي للعطاء والأنجاز ..

 

بستغل شبابي وأكرسه بكل ما أُتيت من إرادة ,

حتى إذا أدركني المشيب لا أتحسر على مضي الشباب ..

 

بلحظتها بس فهمت ,

وعذرت كثير من الشباب الي يحوسون بالمجمعات ويتسكون بشوارع ,

كل واحد منهم يطلق صرخة على طريقته , أغلبهم يمتلكون طاقات دفينه ..

 

وعن نفسي لحد الأن ماعرف من هو المتهم عن صرخات الشباب  ؟؟

 الأسره , المجتمع , أو جهل الشباب ذاتهم ؟؟؟ 

  

وهنيالة إلى يقدر يصرخ فينا  , كـ نوع من تنفيس لا تفهموني غلط !